Engkwentro tali kasundalohan og Maute Group sa Munai Lanao del Norte, Siyam (9) ka individual patay!

PATAY ang Unom (6) ka sakop sa sundalo ug tulo ka miyembro sa Maute group sa engkwentro sa Munai, Lanao del Norte kagahapong adlawa!
Alayon sa nagpadayong hot pursuit operation nga gilunsad sa 44th Infantry Battalion ug 3rd Scout Ranger battalion batok sa mga responsible sa pagpamomba sa Mindanao State University kon MSU-Marawi niadtong milabay’ng tuig.
Matud ni Philippine Army 1st Infantry Division, Division Public Affairs Office kon DPAO Chief Major Jairus Mark Minra nga gawas sa patay laing upat ka sundalo ug pipila ka miyembro sa Dawlah Islamiyah ang samaran sa insidente.
Giklaro ni Major Minra nga posibleng pagpanimalos ang gihimo sa Maute Group ilabina nga napatay ang ilang leader sa milabay’ng combat operation.

“..15 ang na encounter sa atong tropa. kani sila mga suspect nang bombing sa MSU, na encounter didto sa Munai, Lanao del Norte kagahapon. Bali tulo ka myembro nila ang namatay. Possible nga retaliation ni, sa record nato bali 18 na ang nawala sa ilang member apil na ilang leader. On going pa ang tropa sa preparation sa body ug ang mga samdan naa pa sa hospital para sa complete nga recovery..”
Philippine Army 1st Infantry Division, DPAO Chief Major Jairus Mark Minra

SOURCE: SBPSH
Photo: 1st Infantry “Tabak” Division, Philippine Army