Duha ka security guard nga gipusil gawas sa mini-mart sa Valencia City Bukidnon, usa samaran ug usa Patay!

PATAY ang usa ka security guard ug samaran ang sa ka babaye human gipusil sa Purok 16 Barangay Poblacion Valencia City Bukidnon kaganihang kadlawon!
Matud ni Bukidnon Provincial Police Office Information Officer Police Major Jesselle Longgakit nga kalit na lamang miduol ang suspek sa duha ka security guard nga aduna’y gipalit sa mini-mart ug nakiglalis pa kini sa babayeng security guard sa wala pa ang insidente.
Pipila ka minutos mibalik ang suspek ug kalit nga gipamusil ang mga biktima.
Naka-angkon sa samad-pinusilan sa ulo ang lalaking biktima hinungdan nga dead on arrival nga nahidangat sa hospital samtang igo sa apapangig usab ang na-angkon sa babayeng security guard.
Gilantaw sa kapulisan ang tanang anggolo sa krimen ilabina nga menyo ang lalaking biktima og single ang babaye.
Samtang dili pa mahinabi sa kapulisan ang biktimang samaran tungod dili pa kini maka-storya.

“…naay shooting incident nga nahitabo where in ang biktima identified nga duha isa ka lalaki then isa ka babae wherein puro kini security guard, kaning lalaki nadala pa siya sa hospital pero pag abot didto declared death na siya tapos ang kaning babae is nag undergo pa sa operation karon kay ang iyang igo is diri man sa may jaw area so dili pa kaayo ma storya kay mo undergo paman siya ug operation…”
Bukidnon Provincial Police Office Information Officer Police Major Jesselle Longgakit

SOURCE: PI#7
Photo Source: GOOGLEMAPS