Duha ka managlahing insidente sa pagpamusil sa ciudad, duha samaran usa patay!
GIPUSIL- patay ang usa ka lalaki nga nagdeliver ug luy-a sa Zone 2 Lower Barangay Bulua ning ciudad karong hapon!
Biktima nailang si Leonard Laque, 38-anyos, menyo, ug residente sa Quezon Bukidnon.
Base sa initial nga imbestigasyon nga gideliver sa biktima ang luy-a ngadto sa suspek apan dugay mitunga ang nahisgutang buyer.
Hinungdan nga gihatag na lamang kini sa biktima sa laing buyer.
Apan, nag-abot ang duha ka buyer sa bodega ug nasuta nga pag-umangkon sa asawa sa suspek ang laing buyer rason nga nasuko kini ug naglalis sila sa biktima nga miresulta sa pagpangluthang.
Matud ni Police Station 7 Bulua Commander Police Major Jerson Estanilla nga dili pa nila mapiho kung unsa’ ng armas ang gigamit sa suspek.
Gibutyag usab nga wala’y na-rekober nga empty shells sa crime scene apan base sa mga witness tulo ka buto sa armas ang ilang nadunggan.
“…kaning biktima ang tag-iya sa luy-a naa siyay ka transact katong maong suspek gi-deliver ang maong luy-a kay kato siya nga suspek ang mo kumpra, wala na push through kay wala daw nitunga ang maong buyer which is ang suspek dayon iyang gi-deal sa laen nga buyer, basin pud nag abot sa didto sa bodega nga ang buyer diay nga ikaduha pag-umangkon sa asawa sa maong suspek, didto nasuko ang maong suspek kay siya may una gi transact, naay lalis nga nahitabo ug didto nahitabo gyud ang pagpamusil…”
Police Station 7 Bulua Commander Police Major Jerson Estanilla.
Samtang, padayon pang gilakag sa Kapulisan ang suspek.
SOURCE: SBSPH
Photo Source: SRLIVE
