Damyos sa pagkasunog sa 45 ka panimalay sa 31st Nazareth ning ciudad, anaa sa 4.3 million pesos!
GIBANA-banang anaa sa 4.3 million pesos ang damyos human gilamoy sa kalayo ang 45 ka panimalay sa 31st Barangay Nazareth ning ciudad!
Matud ni City Fire District Chief Operations Fire Senior Inspector Kyle Lauson nga daling mikatag ang kalayo sa mga panimalay tungod sa kakusog sa hangin.
Giklaro sa opisyal nga gi-isa gilayon ang 4th Alarm aron masiguro nga daghang ang maka-responde sa lugar.
Gikalipay usab sa opisyal nga wala’y nasamdan o na-trap sa maong insidente.
Samtang padayong gi-imbestigaran ang giingong gikan sa usa ka panimalay nga aduna’y nag-wilding ang hinungdan sa pag-ulbo sa kalayo.
“…naa tay estimated damage muabot og 4.3 million. Under investigation pa gyapun kay tungod sa kapaspas sa kalayo gina determine pa nato..”
City Fire District Chief Operations Fire Senior Inspector Kyle Lauson
SOURCE: SR LIVE
Photo: SR Files
