Damyos sa pagkasunog sa 32 ka panimalay sa St. John Barangay Puntod ning ciudad karong hapon, mikabat sa 1.9 million pesos!

MIKABAT sa 1.9 Million pesos ang gibana-banang damyos human gilamoy sa kalayo ang 32 ka panimalay sa St. John Barangay Puntod ning ciudad karong hapon!
Matud ni Macabalan Fire Station SFO2 Jezreel Lazaga nga gi-isa ang 4th alarm tungod sa kadaghang balay nga nakapalibot sa area.
Padayong gi-verify usab ang ihap sa mga nasamdan human misulay og pakgang sa kalayo.
Giklaro ni Lazaga nga nakatabang sa dali nga pagkaylap sa kalayo ang kakusog sa hangin sa lugar tungod duol kini og dagat ug mga panimalay nga gama lamang sa light materials.
Mikabat usab sa 11 ka firetruck ang mi-responde sa lugar aron masiguro nga matabang gilayon ang kalayo.
Sa karon padayong gi-imbestigaran sa kabomberohan ang hinungdan sap ag-ulbo sa kalayo.

“….initially 32 houses ug 4 ka partially damage. i-identify pa ang injury and casualty kay on going pa ang operation nato. Structural damage more or less 1.9 million. Under investigation pa ang origin sa sunog. Light material siya then duol sa dagat, open area siya kusog ang hangin…”
Macabalan Fire Station SFO2 Jezreel Lazaga

SOURCE: SR LIVE
Photo: Kusgan Lorenzo Rosales