Bag-ong gilunsad nga airstrike sa Israel sa Khan Younis Southern Gaza, 12 patay!

PATAY ang 12 ka indibidwal ug unom (6) ang samaran human sa bag-ong pagpangatake nga gilunsad sa Israel sa Khan Younis Southern Gaza!
Base sa report nga kini na ang ikatulo nga sunod-sunod nga pagpangatake sulod sa hospital sa Khan Younis.
Gibutyag sa Palestine Red Crescent Society kon PRCS nga kalit na lamang nagpaulan og bala ang Israel Forces diin lima ka sakyanan ug tulo ka ambulansya ang gipabuto.
Sa karon nanawagan ang PRCS og dugang medical supplies, fuel ug pagkaon tungod sa wala’y pu-as ang pagpangatake sa lugar.

SOURCE: ALJAZEERA
Photo: Bloomberg.com