Aksidenteng pagkablit sa armas sa Barangay Samai Gingoog City, usa ka pulis patay!

PATAY ang usa ka pulis human aksidente nga nakablitan ang armas sa Barangay Samai Gingoog City!
Ang biktima nailang si Police Chief Master Sergeant Marlon Baldisco, hingkod ang panuigon ug temporaryong na-assign sa Barangay revitalized Police sa Gingoog City.
Matud ni Gingoog City Police Office Chief Police Lt. Col. Cecilio Orcullo nga base sa inisyal nga imbestigasyon kalit na lamang nakablit sa biktima samtang on-duty ang gihuptang armas hinungdan nga na-igo ang pribadong parti sa lawas.
Base sa mga nakasaksi, usa ka buto lamang ang nadunggan sa lugar.
Dead on arrival nga nahidangat sa Sanitarium Hospital ang biktima.

“…kagabii sa may 10:40 naka dawat tag report nga adunay accidental firing involving a Police Officer so immediately nag responde ta sa maong incidente kay tungod lage ang maong biktima gidala naman sa hospital ug sa dihang pag abot sa atong investigator gi-declare na sa atong attending physician nga dead on arrival…”
Gingoog City Police Office Chief Police Lt. Col. Cecilio Orcullo.

SOURCE: PI#7
Photo Source: GINGOOG CPS FACEBOOK