5-anyos nga batang lalaki nga naligo sa Tuburan Spring Resort sa El Salvador City, nalumos-patay!

NALUMOS-PATAY ang usa ka 5-anyos nga bata’ng lalaki sa Tuburan Spring, sa El Salvador City, Misamis Oriental!
Biktima giilang si Gabriel Michael Sitjar ug residente sa Poblacion, Laguindingan.
Base sa initial nga imbestigasyon naligo ang biktima kauban ang amahan sa nahisgutang ligo-anan.
Nakigdula kini sa ubang mga bata nga distansya sa gikahimutangan sa amahan.
Matud ni El Salvador City Police Station Chief Investigator Police Senior Master Sergeant Rodel Lecera nga sa pag-review sa CCTV unsupervised ang mga bata nga nagdula.
Gisulayan kini sa pagluwas sa kadula apan naunlod na ang biktima.
Hinungdan nga nagpadayon na lamang ang bata sa pagdula.
Kapin kon kulang dyes minutos (10) ang milabay una narekober sa amahan ang lawas sa anak gikan sa ilawom sa tubig.
Gidugang ni Police Master Sergeant Lecera nga gidala ang biktima sa duol nga balay-tambalanan apan gideklarar kini’ng dead on arrival.

“…upon the review sa CCTV nakita nato didto nga ang bata actually nag dula-dula didto kauban ang mga bata nga kauban ka-edad pud niya unya unsuppervise gyud sila walay ga tan-aw saila, iyang papa actually naligo pud iyang papa pero distansya gyud and for more or less 10 minutes na submerge siya naunlod na gyud siya hangtud naka malay na gyud iyang amahan nga wala na ang bata nag dula-dula, nangita pud ang amahan nga siya-siya lang pud wala siya nag pahibalo sa mga tao gi-try niyag pangita hangtud nga after 10 minutes didto naa na siya sa ilalom, naay iyang kadula the same age gyud niya nga sa pagka lunod gyud niya nag struggle na siya gi-aksyonan siya sa bata sa pag luwas gikab-ot iyang kamot but then wala man naunlod napud siya katong bata kay bata man lage nag padayon napud siyag dula-dula…”
El Salvador City Police Station Chief Investigator Police Senior Master Sergeant Rodel Lecera.

SOURCE: P.I/#8
Photo Source: WELVENMADRINA