USA PATAY UG LAING USA KRITIKAL SA PANAGBANGGA TALI WIGO UG INNOVA SA GINGOOG CITY!
DEAD on arrival ang usa ka 53-anyos nga lalaki sa nahitabo’ng panagbanga tali toyota wigo ug toyota innova sa national highway sa Purok 1, Barangay Daan Lungsod, Gingoog City!
Giila ang driver sa wigo nga si Jaypril Versoza Mahinay, 28-anyos ug residente sa Zone 12C, Upper Carmen Cagayan de Oro City samtang giila ang driver sa innova nga si Demetrio Sablawon Jr, 41-anyos ug residente sa Barangay Calingonan, Calbiga, Western Samar, ug ang mga passenger nga sila’ng Alfredo Gaborni Reaga, 53-anyos, Melchor Sablawon 29-anyos, Jhonerick Rado, 25-anyos ug Melchor Villas, 60-anyos ug residente sa susamang lugar.
Base sa initial nga imbestigasyon nga managlahi ang direksyon sa duha ka sakyanan apan pag-abot sa nahitaboan sa insidente kalit lamang miliko ang innova sa left lane hinungdan nga nabanggan niini ang wigo.
Gideklarar sa attending physician si Reaga nga dead on arrival.
Matud ni Gingoog City Police Station Deputy Commander Police Major Joel Salo nga giingong na-coma si Melchor Villas ug nabali-an og tiil si Melchor Sablawon.
Sa karun naka-custodiya na sa Kapulisan ang driver sa innova aron mapasakahan og kaso.
SOURCE: #19
Photo Source: Gingoog CPS
