Usa patay, samtang usa samaran human nahulog ang gisakyang motorsiklo sa pangpang sa Cabula, Barangay Lumbia ning ciudad!
PATAY ang usa ka lalaki samtang samaran ang live-in human nahulog ang gisakyang motorsiklo sa pangpang sa sitio Cabula Lumbia ning ciudad!
Ang patay’ng nailang si Josilito David, hingkod ang panuigon samtang naila ang samarang si Merly Gawingan, hingkod ang panuigon pulos residente sa NHA Barangay Mambuaya ning ciudad.
Matud ni Barangay Mambuaya Kagawad Ismael Lopez nga nakig-video call pa si Gawingan sa silingan niini aron magpakitabang apan dili na kini maka-estorya.
Gi-angkon sa opisyal nga naglisod ang team sa pagpangita kung asa nga pangpang nahulog hinungdan nga gisubay na lamang ang mag kasagbutan ug nakit-an kini sulod sa kapi’g usa ka oras.
“..tawag sa amo sa barangay naa silay silingan nahulog. Nakig-video call pa ang angkas nga babae og dili na makatingog. Dali dali mig kuha og gamit, amo gipangita kay sagbot sagbot amo nakit an, amo gisubay-subay mga pangpang oh nakita jud namo…”
Barangay Lumbia Kagawad Ismael Lopez
SOURCE: SR LIVE
Photo: SR Files
