Tulo ka Maldives opisyal, gisuspenso human gisaway si Indian Prime Minister Modi!

GISUSPENSO sa gobyerno sa Maldives ang tulo ka deputy ministers!
Human mihimo og derogatory remarks batok kang Indian Prime Minister Narendra Modi sa social media.
Gidisiplina sa gobyerno sila’ng Malsha Shareef, Mariyam Shiuna, ug Abdulla Mahzoom Majid nga susamang nagtrabaho sa Ministry of Youth Empowerment, Information and Arts kabahin sa mga komento.
Gihulagway sa tulo ka opisyal si Modi nga “clown”, “terrorist”, ug “puppet sa Israel” sa social media platform nga X, agi’g tubag sa video sa pagpromotar sa tourism sa Lakshadweep, usa ka Indian Union territory sa Arabian Sea.
Base sa mga report, gisang-at sa Indian High Commission in the Maldives ang reklamo ngadto sa Maldives government.
Pipila ka Indian celebrities lakip ang Bollywood actors ug sports star ang nagpadayag og discontent kalabot sa komento sa nahisgutang mga opisyal.

SOURCE: ALJHAZEERA
Photo: The Buck Stopper