Tim Cone, official nang head coach sa Gilas Pilipinas,12-man core team gipangalanan na; samtang James Yap mibiya na sa Rain or Shine human sa pito ka tuig!

OPISYAL nang Gilas Pilipinas national team coach si Tim Cone!
Gihimo ang kumpirmasyon sa Samahang Basketbol ng Pilipinas kon SBP.
Idumala ni Cone ang men’s basketball team sugod sa FIBA Asia Cup Qualifiers sa Pebrero ug FIBA Olympic Qualifying Tournament.
Gipangalanan usab ang mahimong kabahin sa core team ni Coach cone nga sila’ng Scottie Thompson, Chris Newsome, Calvin Oftana, CJ Perez, Jamie Malonzo, June Mar Fajardo, Dwight Ramos, AJ Edu, Carl Tamayo, Kai Sotto, ug Kevin Quiambao.
Samtang, nakagahin alang kang Justine Brownlee ang naturalized player spot apan nagpaabot pa sa desisyon sa FIBA kabahin sa eligibility.

SOURCE: GMA NEWS
Photo: One Sports

MIBIYA na si James Yap sa Rain or Shine Elasto Painters human sa pito ka tuig!
Mi-expire ang kontrata sa two-time PBA MVP sa E-painters human sa ulahing dula sa 2023-24 PBA Commissioner Cup.
Nagpasalamat ang PBA star sa koponan ug sa mga nagsuporta kaniya.
Hisayran nga sa pito ka tuig nga kauban ang ROS, ubay-ubay ka quarterfinals ug semi-finals appearance ang koponan.
Wala gibutyag sa four-time PBA Finals MVP kon asa kini sunod nga modula o moretiro.

SOURCE: ABS-CBN NEWS