Tekla, nabutang sa delikado ang kinabuhi human gitutukan og armas sa usa ka customer.
NABUTANG sa delikado ang kinabuhi ni Kapuso TV host-comedian Super Tekla tungod sa gibuhi-ang komedya kaniadto!
Kini ang gibutyag ni Tekla sa episode sa “Fast Talk with Boy Abunda”.
Matud ni Tekla nga nagperform kini sa usa ka bar isip stand-up comedian, sa dihang adunay usa ka customer ang wala mahimuot kaniya hinungdan nga gitutukan kini og armas.
Gidugang ni Tekla nga bag-o pa lamang kini nga performee sa mga comedy bar rason nga naglisud kini sa mga atake’ng buhaton aron mapakatawa ug mapalipay ang mga customer.
Gibutyag sa komedyante nga ang nahimong joke niini sa customer “kasi ang joke ko sa kanya, Ang ingay-ingay mo diyan eh, pabigat ka lang naman”.
Nagpasalamat na lamang kini nga na-abi-abi ang nahisgutang customer.
SOURCE: GMA NEWS
Photo Source: PEP.PH
