Tag-iya sa tindahan nga nasunog sa 8th Street Nazareth, nagtuo nga gituyo ang pagsunog!

NAGTUO ang tag-iya nga gituyo ang pagsunog sa tindahan sa 8th Street Nazareth ning ciudad!
tungod dugay nang gipahawa sa tag-iya sa loti ang gitukoran sa tindahan niini.
Matud ni Rufa Pagara nga buot na kining pahawaon sa nanag-iya sa lote hinungdan nga posibleng gituyo ang pagsunog.
Giklaro pa ni Pagara nga wala’y solar lamang ang gamit sa tindahan hinungdan nga imposibleng masunog kung wala tuyu-a.

“…wala may kuryente, ang gamit ana solar, gituyo na. Namaligya mi atong sabado wala mi namaligya og pasko. Kagahapon wala pa mi nag tinda. Gusto nila mahawa mi, gituyo lagi gituyo..”
Rufa Pagara, tag-iya sa tindahan

Samtang gipamugos sa Bebie Bocton , tag-iya sa lote nga buot lamang ipapahawa ang nag-tinda sa lugar tungod naghimo na kini og gamay’ng kusina ug hinay-hinay nang gi-renovate.
Gipamugos pa sa tag-iya ng imposible nga gituyo pagsunog tungod daghan ang madamay nga panimalay.

“…ila naman ng gi renovate. Taas taas na ang panahon gihatag sa ila. Iyang ingon nga gisunog sa silingan..”
Bebie Bocton

SOURCE: SH&V
Photo: SR Files