Sugyot nga pag-required sa tanang Sangguniang Barangay ug Sangguniang Kabataan sa pag-live streaming atol sa nagkadaiyang regular sessions, gipalagan ni Councilor Balaba!
SUPAK si Councilor Girlie Balaba kalabot sa gisugyot ni Councilor Atty. James Judith!
Kabahin sa pag-required sa tanang Sangguniang Barangay ug Sangguniang Kabataan sa ciudad nga mag-facebook/youtube live streaming atol sa pagpahigayon og regular session.
Alang sa gitawag nga transparency.
Matud ni Councilor Balaba nga unta gikonsiderar ni Councilor Judith nga dagha’ng barangay sa dakbayan ang naglisud sa signal ug kulang sa kagamitan partikular na sa hinterland area.
“..nasayod ba ang reporter naa tay mga barangay nga wala man gani signal kana pa kahang hinterland. Unta before ka nag propose ani nga ordinansa, sa atoa diri sa Cagayan de Oro City ang mga 80 ka barangay sa Cagayan tan aw nimo nga walay signal sa internet? daghan pa, naa ba silay computer?..”
Councilor Girlie Balaba
Giklaro ni Councilor Judith nga kung makasinati og technical difficulties mahimo lamang kini’ng I-record una I-upload sa nagkadaiyang facebook page.
“..dili necessary mag agad sa signal, wala ko nag ingon nga kung maka livestream ka kung naay technicalities dili angay pugson, naa tay recording nga pwede nato ma research kung unsay nahitabo sa kana ninyong session adlawa..”
Councilor Atty. James Judith
SOURCE:CDEOCITYCOUNCIL
Photo: Neil Patel
