President Marcos Jr.,mi-mando sa nagkalain-laing ahensya sa gobyerno nga tutokan ang epekto sa El Nino sa ekonomiya sa Pilipinas.

GIMANDO ni President Ferdinand Marcos Jr., sa nagkalain-laing ahensya sa gobyerno nga tutokan ang epekto sa El Nino sa ekonomiya sa Pilipinas!
Gibutyag ni President Marcos Jr., nga kinahanglang pangandaman tungod laumang molungtad sa second quarter sa tuig ang hulaw.
Gipamugos sa Presidente nga importanteng mapatuman ang targeted intervensions aron dili motaas ang presyo sa pagkaon ug mga nag-unang palaliton tungod sa kakulangon sa produksyon.
Tungod niini angayang tutokan ang mga pamaagi aron mapalambo ang produkyon aron makab.ot ang tinguhang food security sa nasud.
Una nang gitin-aw sa Chief Executive nga ang pagkaon ang nag unang hinungdan sa pagpaspas sa inflation taliwala nga maayo ang sitwasyon sa ekonomiya apan dili angay magpasagad ang mga ahensya.

SOURCE: PSN
Photo Source: CNN PH