Plano ni Former President Duterte nga pagbulag sa Mindanao gikan sa Pilipinas, hugtanong gisupakan sa mga Senador.

SUPAK ang mga Senador sa giingong plano ni former President Rodrigo Roa Duterte nga kampanya alang sa separation sa Mindanao gikan sa Pilipinas!
Human gibutyag ni Duterte nga nagmando na kini kang Davao del Norte Rep. Pantaleon Alvarez nga House speaker niadtong 2016 hangtud 2018, nga magsugod sa pagkolekta sa signatures alang sa nasangpit nga katuyuan.
Ubos sa 1987 constitution wala’y mekanismo sa bisan asang parti sa Pilipinas nga mobulag sa republika, gitugutan lamang ang pagmugna og autonomous region alang sa Muslim Mindanao ug Cordilleras.
Matud ni Senator Aquilino “Koko” Pimentel nga dili kini uyon sa idea ug nanginahanglan og grabeng pagtuon ang nasangpit nga plano.
Alang kang Senator Chiz Escudero nga dili constitutionally possible ang plano ni Duterte.
Samtang, supak usab si Senate President Juan Miguel Zubiri, nga lumad nga taga Mindanao ang pamilya sa plano sa kanhing Presidente.
Matud ni Senator Zubiri nga kinahanglang “I-slow down” ang away-politika tungod wala’y laing mahinungdanon kung dili ang kaayohan sa katawhan.

SOURCE: ABS-CBN NEWS/UNTV
Photo Source: NPR