Person of Interest sa milugos-patay sa usa ka 11-anyos nga batang babaye sa Dulogon Maramag Bukidnon, natumbok na sa kapulisan!

NATUMBOK na sa kapulisan ang person of interest sa milugos-patay sa usa ka 11-anyos nga batang babaye sa Purok-10 Dulogon Maramag Bukidnon kagahapong adlawa!
Matud ni Bukidnon Provincial Police Office Information Officer Police Major Jesselle Longgakit nga napalgan ang bata sa tubuhan sa maong lugar nga wala na sapot sa ubos nga bahin hinungdan nga gituhuang gilugos kini.
Gipadayag sa opisyal nga nananghid ang biktima sa apohan nga mamaligya og saging niadtong Enero 2 apan wala na kini makauli ug kagahapon sa hapon kini napalgan nga patay na.
Giklaro ni Major Longgakit nga padayong gilakag karon sa Maramag Municipal Police Station ang responsable sa krimen.

“..report sa dead body nga nakita sa sugar cane sa purok 10 Dulogon. Na identify ang biktima isa ka female minor. Ang bata naa siyay blouse or t shirt, nawala lang ang iyang karsones nahubo iyang panty na ubos pero di ta ka ingon nga rape siya until naay mogawas nga medical nga gi rape ang biktima. Naa na tay person of interest. Ang bata nananghid nga magbaligya og saging kay sideline bali, mulakaw siya mamaligya wala siya maka uli mao to gipangita nila, og napalgan ang bata..”
Bukidnon Provincial Police Office Information Officer Police Major Jesselle Longgakit

Samtang nanawagan si Major Longgakit sa katawhana nga posibleng nakasaksi sa krimen nga makig-koordinar aron mahatagan sa hustisya ang kamatayon sa biktima.

“..ang location sa person of interest kung naa man gani kung naay pwede i share nga information sa kapulisan ato kini ipadangat kay dako kini nga matabang aron mahatagan og hustisya ang kaning biktima..”
Bukidnon Provincial Police Office Information Officer Police Major Jesselle Longgakit

SOURCE: PI#7
Photo: Jesa Sarento