Patay sa Magnitude 7.6 nga linog sa Japan, anaa na sa 77!
MISAKA na sa 77 ka tawo ang patay sa Magnitude 7.6 nga linog sa Japan!
Gawas sa patay gatosan usab ang pabiling samaran diin pipila niini ang anaa sa talandugong kahimtang.
Sagad sa mga nasamdan nangatabunan sa mga nahugnong gambalay ug panimalay sa Ishikawa Prefecture.
Samtang gibutyag ni Suzu Municipal Mayor Masuhiro Izumiya nga wala na’y nahabiling panimalay sa lugar human nahugno sa kusog nga pagtay-og.
Sa karon pabiling anaa sa shelter ang kapi’g 33,000 ka tawo nga mihikling human sa linog.
SOURCE: BBC NEWS
Photo: The Times of India
