Motorsiklista patay human mabangga sa usa ka iro sa Talisayan Oriental.
PATAY ang usa ka motorsiklista human mibangga sa usa ka iro sa San Jose, Talisayan Misamis Oriental!
Biktima giilang si Mary Jane Algutar, 35-anyos ug residente sa Magkarila, Talisayan Misamis Oriental.
Base sa initial nga imbestigasyon nga kalit lamang mitabok ang iro hinungdan nga wala naka-break ang biktima ug nabanggaan niini ang nahisgutang mananap ug miresulta sa pagkalagpot gikan sa gimanehong motorsiklo.
Matud ni Talisayan Municipal Police Station Assistant Investigator ug Traffic Investigator Police Staff Master Seargeant Christian Epadis nga nadala pa sa balay-tambalanan ug gisulayan sa pag-revive ang biktima apan na kini maka-survive sa na-angkon nga injury.
“…kaning maong babae nga driver sa motor si Mary Jane Algutar, sa initial namo nga investigation base sa naka witness naa daw nitabok nga iro diha sa Talisayan Central School wala na kini naka break ang maong biktima nabundol niya ang iro, walay swerte nabunal ang iyang ulo nga portion, nadala pa sa hospital pero unconscious na siya sad to say nga wala siya maka survive sa injury nga iyang na sustaine…”
Talisayan Municipal Police Station Assistant Investigator ug Traffic Investigator Police Staff Master Seargeant Christian Epadis.
SOURCE: P.I/#8
Photo Source: MDRRMO TALISAYAN
