Motibo sa pagpatay sa pito ka tawo nga napalgang gilubong sa dakong bangag sa Sapad Lanao Del Norte, padayong gisuta sa kapulisan!

DILI pa mapiho sa kapulisan ang motibo sa pagpatay sa pito ka tawo sa Sitio Lapao, Barangay Karkum, Sapad Lanao Del Norte!
Human napalgan gihi-usang gilubong sa usa ka dakong bangag sa nahisgutang lugar ang mga biktima.
Matud ni PRO-10 Spokesperson Police Major Joanne Navarro nga mas gipalapdan ang imbestigasyon aron masuta kung diin kini gipatay una gilubong sa maong lugar.
Giklaro sa opisyal nga tulo pa lamang ang na-identify sa pito ka patay’ng lawas nga napalgan.
Samtang base sa initial nga pagsuta sa forensic unit nakit-an nga aduna’y ubay-ubay ka mga samad-pinusilan ang mga biktima ug posibleng bag-o pa kini gipatay tungod wala pa sa state of decomposition ang mga lawas sa biktima.
Sa karon mas gipalapdan pa ang imbestigasyon sa Sapad Municipal Police Station aron mahatagan sa hustisya ang mga biktima sa linoog nga krimen.

“..nakita nila nga bag o pa nahimong bungtod. Sa ilang pagkalot nakita nila ang pito kabuok nga lawas. Ang tulo kabuok naila na, aduna nay pangalan ug address. Wala pa kitay nadawat of their background. We need to find out kung ang maong krimen nahitabo ba sa maong area. Posibilidad pod nga katong pito kabuok didto lang gi lubong…”
PRO-10 Spokesperson Police Major Joanne Navarro

SOURCE: PI.#7
Photo: CTTO