Kapulisan, aduna na’y person of interest sa milungkab sa dakong mall sa Barangay Sta. Cruz Ozamis City, Misamis Occidental!

ADUNA na’y person of interest sa pagpalungkab sa Gaisano Mall sa Barangay Sta. Cruz Ozamis City, Misamis Occidental!
Matud ni PRO-10 Spokesperson Police Major Joann Navarro nga padayong gilakag sa kapulisan ang responsable sa krimen sa nahisgutang lugar.
Giklaro pa sa opisyal nga “well plan” ang maong insidente tungod migamit pa og usa ka establishment ang mga suspek aron mohimo og tunnel aron lamang makasulod sa nahisgutang establishemento.
Samtang padayong nagpahigayon og inventory ang tag-iya sa Jewelry shop ug uban pang patigayon aron masuta kung pila ang nadala sa mga kawatan.

“…aduna na kitay persons of interest sa pagkakaron duna pa follow up operations, hot pursuit operation gihimo sa atong kapulisan. Atong nakita nga well planned kaayo ang maong paghimo sa pagpanglungkab. Adunay establishment sulod mao to ang entrance gigamit dayun ang kanal ilalom sa pagsulod sa mall didto gilungkab ang usa ka store sa jewelry shop ug atm machine. Aduna pay inventory kung pila gyud tanan ang nangakuha sa incident..”
PRO-10 Spokesperson Police Major Joann Navarro

SOURCE: SH&V
Photo:CTTO