Kanhi World Boxing champion Jerwin Ancajas, suportado sa PSC!
HUGTANONG gisuportaran sa Philippine Sports Commission kon PSC si kanhi World Boxing champion Jerwin Ancajas!
Human gibisita ni Ancajas uban ang manager ug trainer nga si Joven Jimenez ang buhatan ni PSC Chairman Richard Bachman aron mangayo og suporta sa away.
Nagpasalig si Bachman nga hatagan ang kanhi world super flyweight titlist og suporta sa nutrisyon, strenght ug conditioning aspect alang sa preparasyon kang World Boxing Association kon WBA bantamweight king Takuma Inoue sa Japan.
Gitakda ang kulba-hinam nga away ni Ancajas ug Inoue karong Pebrero 24 sa Ryoguko (RIYO-GUKO) Kokugikan National Sumo Arena sa Tokyo, Japan.
SOURCE: PHILSTAR
Photo: Abante
