Israeli militar andam sa bisan unsang scenaryo human napatay ang deputy chief sa Hamas militants

GIPANGANDAMAN sa Israeli militar ang bisan unsang scenaryo!
Human sa usa ka airstrike sa Beirut nga mipatay sa deputy chief sa Hamas militants.
Nagpa-ulbo sa kahadlok nga mahimong molapad ang panagbangi tali Israel ug Gaza Strip.
Gibutyag sa usa ka high-level security official sa Lebanon nga napatay si Saleh Aruri kauban ang bodyguards sa strike sa Israel.
Gikumpirmar kini sa laing security official.
Wala direkta’ng nagkomento si Israeli army spokesperson Daniel Hagari sa pagpatay apan namahayag nga andam ang mga militar sa tanan’g arena, sa depensa ug opensiba alang sa posibleng panghitabo.
Una nang gipahibalo sa Israel ang pagkamatay sa commander ug Official sa Hamas sa Gaza apan si Aruri ang pinakataas nga profile figure nga napatay ug nahitabo kini sa pinakaunang strike sa capital sa Lebanese.

SOURCE: ABS-CBN NEWS
Photo:France 24