Former Mayor Moreno, namugos nga aduna’y pundo alang sa pagbayad sa utang sa Xavier University nga mokantidad og kapig 7-million pesos!
GIKLARO ni Former Mayor Oscar Moreno nga nakurat kini sa isyu kalabot sa utang sa Xavier University nga mokantidad og kapig 7-million pesos!
Matud ni Former Mayor Moreno nga aduna’y pondo ang ciudad sa pagbayad sa maong balayrunon tungod mikabat sa 30-million pesos ang collectible sa PhilHealth nga intended sa pagbayad sa pasilidad sa tunghaan nga nagamit isip City Isolation Unit kon CIU atol sa pandemya niadtong 2020-2022.
Giklaro sa kanhi Mayor nga susamang wala nakasabot ang kasamtangang administrasyon sa doctrine of Continuity tungod sa padayong pagbatikos sa nahabiling utang sa kanhi administrasyon.
Gitin-aw ni Moreno nga nalipay kini nga nalakbitan ang isyu tungod pasabot lamang nga wala masayod ang kasamtangang administrasyon sa angayang buhaton kalabot sa maong hisgutanan.
“…problema man gud kay kining sila Klarex ug ang ilang administration wala makasabot sa doctrine of continuity, ang City Government continue it’s not as if ga kung naay bag-ong Mayor bag-o napud ang kinabuhi sa City Government, dili ang problema man gud nila wala sila kahibalo kung unsay buhaton, ang Gobyerno nato National gi-allow nga kanang mga accommodation facilities nga gi-mugna para sa Temporary Treatment and Monitoring Facilities para sa katong COVID positive gi-allow ang accreditation sa PhilHealth pwede kanang i-claim sa PhilHealth mag bayad ang PhilHealth niana, nalipay ko nga ila kanang gi-mention kay kana nagpaila nga wala sila makasabot sa ilang angay nga buhaton, naa pay mga claims nga collectible pa sa PhilHealth about 20-30 million gihapon ang problema lang kay wala sila kahibalo siguro niana…”
Former Mayor Oscar Moreno
SOURCE: SBPSH
Photo: Google
