Damyos sa nahitabong sunog sa Gumamela extension Barangay Carmen ning ciudad, kapi’g 1 million pesos!
MIKABAT sa 1,050,000 pesos ang damyos sa nahitabong sunog sa Zone 6 Gumamela Ext. Barangay Carmen ning ciudad!
Base sa initial nga impormasyon sa otoridad nga dose (12) ka households ang na-ugdaw sa kalayo.
Miabot sa 3rd alarm ang sunog.
Matud ni Barangay Carmen Fire Station Commander SF03 Adonis Lenas nga nagpadayon ang imbestigasyon sa otoridad sa hinungdan sa kalayo.
Dili pa usab mapiho kung asa nga panimalay nagsugod ang kalayo.
“..fire under control alas 9:10 fire out alas 9:46, 3rd alarm ang atong sunog. Abot diri ang 20 ka responder ka fire truck. Damyos 1,050,000, 12 ka balay..”
Barangay Carmen Fire Station Commander SF03 Adonis Lenas
Samtang, gibutyag ni Letecia Beronio, usa sa biktima sa sunog nga posibleng sa panimalay naggikan ang kalayo tungod sa giingong wire sa kuryente nga nagbuto-buto.
“…kaning wire daw nag una, basta ilang ingon wire gikan sa ibabaw gikan sa amo..”
Letecia Beronio
SOURCE: SRLIVE
Photo: KVI
