DA, hugtanong nangandam alang sa laumang El Niño phenomenon karong tuiga!
HUGTANONG nangandam na ang Department of Agriculture kon DA ug uban pang ahensya alang sa laumang El Niño Phenomenon sa nasud!
Gibutyag ni DA Secretary Francisco Tiu Laurel Jr., nga mihimo na og lakang ang ahensya aron mabatabangan ang mga mag-uuma ug mga mananagat nga mao’y unang ma-apektuhan sa hulaw.
Giklaro pa sa kalihim nga lakip sa gitutokan ang pagtul-id sa mga kanal sa irigasyon aron pabiling masuplayan ang mga pananum.
Gipadayag pa sa opisyal nga apektado ang ubay-ubay ka mga lalawigan sa hulaw hinungdan nga wala’y pu-as ang pagpangandam karon sa ahensya.
Una nang nanghangyo ang Bureau of Soil and Water Management og 112 million pesos alang sa cloud seeding operation aron matubag ang panginahanglanon sa panubig sa Pilipinas.
SOURCE: PHILSTAR
Photo: Radio Philippines Network
