DA, hugtanong mibarog nga supak sa pagpatuman og SRP sa bugas!
HUGTANONG gibarugan sa Department of Agriculture kon DA nga supak kini sa pagpatuman og suggested retail price kon SRP sa bugas!
Matud ni Agriculture Secretary Francisco Tiu Laurel Jr., nga wala gisugyot sa ahensya ang pagpahamtang og SRP sa mga agricultural products nga naggikan sa mga international markets tungod sa gikabalak-ang El Niño.
Gitin-aw sa opisyal nga ang sugyot nga butangan og SRP ang farm products, base lamang sa available remedies pinasubay sa Price Act nga naghatag gahom sa DA nga ma-stabilize ang presyo sa Farm products ug inputs.
Lakip ang presyo sa bugas, isda, karne, abono sa panahon sa emerhensya.
Gipaningkamutan sa ahensya nga masiguro nga igo ang supply sa agricultural products ilabina sa bugas bisan aduna’y bahad sa El Niño.
SOURCE:ABS-CBN
Photo:Philippine Star
