Councilor Judith, mi-angkon nga sayop niini nga wala magpahibalo una kang Vice Mayor Rodriguez nga buot nang mobalhin sa laing partido.
GI-angkon ni Councilor Atty. James Judith nga sayop niini nga wala magpahibalo una kang Vice Mayor Jocelyn Rodriguez nga buot nang magpasilong sa partido ni Mayor Rolando Uy!
Matud ni Councilor Judith nga wala niini nahimo ang gitambag ni Barangay Nazareth Kapitan Atty. Regine Rodriguez nga mananghid una kang Vice Mayor Rodriguez isip mao’y inahan sa partido una mobiya sa partidong Centrist Democratic Party of the Philippines kon CDP.
Giklaro sa opisyal nga normal kini sa politika hinungdan nga wala’y sayop sa pagbalhin sa partido ilabina kung makatabang kini og dako sa katawhan.
“…ingon ni Regine Rodriguez nga didto pahibalo sa kang Vice Mayor Bebot Rodriguez kay si Vice Mayor Bebot Rodriguez maoy inyong inahan sa konseho mao pud inyong leader, ang ako lang sipyat kay nag hulat paman lage kog timing, nanukad pako kanus-a ko mag sulti ang problema, mao na nga aminado ko nga sipyat gyud na, nga atol nga wala pako naka storya saiyaha nagpa interview nako, akong sipyat kay kaning akong katabian niabri naman nga wala pa nako to natuman ang tambag ni Kapitana Atty. Regine Rodriguez, dawaton nako pasayloa ko sa akong gibuhat kung inana man galing inyong gikamahayan pero normal mani sa politika…”
Councilor Atty. James Judith.
SOURCE: SBPSH
Photo Source: Councilor James Judith FB PAGE
