Congressman Recto, gi-appoint isip bag-ong DOF Secretary!
GITAKDANG manumpa si House Deputy Speaker ug Batangas Rep. Ralph Recto isip bag-ong Department of Finance Secretary karung adlawa!
Kini ang gikumpirmar sa kapikas nga si former Batangas Governor Vilma-Santos Recto.
Hulipan ni Recto si incumbent Finance Secretary Benjamin Diokno.
Matud ni Vilma nga dako ang pagsalig niini sa kapasidad sa kapikas nga makatabang sa paglambo sa ekonomiya sa nasud.
Dumduman nga nagsilbi si Recto og tulo ka termino sa Senado.
Nagsilbi usab kini’ng Secretary General sa National Economic and Development Authority gikan 2008 hangtud sa 2009 ubos administrasyon’g Arroyo.
Samtang, sa karun wala pa’y komento ang Malacañang kalabot sa report apan misaad kini’ng magpagawas og pamahayag sa dili madugay.
SOURCE: ABS-CBN NEWS
Photo:www.philstar.com
