Cleveland Cavaliers point guard Ricky Rubio, miretero na sa NBA!

MIRETERO na si Cleveland Cavaliers point guard Ricky Rubio sa NBA!
Human wala malakip sa roster karon nga season tungod sa gi-atubang nga mental health issues.
Gi-anunsyo sa NBA star niadtong Agosto 5 nga dili una kini modula ug buot tutukan ang mental health.
Matud ni Rubio nga wala na kini nasayod sa direksyon sa kinabuhi.
Gibutyag sa report nga nagkauyon ang Cavaliers ug basketball star sa usa ka contract buyout.
Dumduman nga mipirma’g three-year deal sa Cleveland si Rubio niadtong July 2022 nga balor 18 million US dollar.
Hisayran nga nag-average si Rubio og 10.8 points ug 7.4 assist per game sa kinatibuk-ang NBA career.

SOURCE: ABS-CBN NEWS
Photo:Cavaliers Nation