59-anyos nga babaye nga wala makagawas sa panimalay atol sa sunog sa Barangay Bonbon Opol Misamis Oriental, Patay.

NASUNOG-patay ang usa ka 59-anyos nga mamaligyaay human wala makagawas sa panimalay sa Barangay Bonbon, Opol Misamis Oriental kaganihang sayo sa buntag!
Ang biktima nailang si Delia Calit-Mantos, residente sa lugar.
Matud ni Opol Fire Station Fire Marshal Senior Inspector Kenneth Puig nga nagluto ang tag-iya sa panimalay og bingka sa wala pa mi-ulbo ang kalayo.
Gipukaw matud pa ang biktima sa bana niini sa wala pa namaligya nga bantayan ang nahabiling niluto apan posibleng nakatulog balik ang biktima.
Giklaro ni Puig nga unattended cooking ang usa sa gitumbok nga anggolo sa pag-ulbo sa kalayo.
Samtang anaa lamang sa 45,000 pesos ang gibana-banang structural damage sa panimalay.

“…base sa atoang interview sa bana gikan pani sila sa Davao naabot sila gabii daw, tungod kay panginabuhian naman gyud nila ni so nag trabaho gihapon sila dayon nag luto silag bingka sayu sa buntag, kadlawon, dayon nahuman og luto ang lalaki gipack niya ang mga niluto aron ibaligya pud niya dayon gipukaw niya ang babae aron mag bantay pa sa ilang giluto apan subo kaayo nga pamalandungon nga nadamay gyud ang biktima so ang posible gyud ani kato gyud unattended cooking…”
Opol Fire Station Fire Marshal Senior Inspector Kenneth Puig.

SOURCE: SRLIVE
Photo Source: SRLIVE