45-anyos nga trisikad driver napalgan’g-patay sa Pinikitan Barangay Camaman-an ning ciudad!
WALA’Y foul play sa kamatayon sa usa ka trisikad driver nga napalgang-patay sa Barangay Camaman-an ning ciudad!
Biktima giilang si Willie Malazarte, 45-anyos, single ug residente sa nahisgutang barangay.
Base sa initial nga imbestigasyon nga giingong tibuok adlaw nga nag-inom ang biktima.
Gibutyag nga nakita sa mga silingan nga nagkirig-kirig o nag-seizure ang biktima apan wala nila kini gibale-bale tungod kasagaran kung mo-atake ang seizure sa biktima maulian lamang kini.
Apan, gikahibulong sa mga silingan sa pagbisita nila sa panimalay sa biktima nga wala na kini naglihok hinungdan nga nanawaga gilayon sila sa CDRRMD.
Matud ni Police Station 2 Cogon Investigator Police Staff Seargeant Genesis Babanto nga aduna kini mga gagmay’ng samad sa lawas human natumba tungod sa kahubog.
“..sige ni siya’g inom kung asa ang inom didto ni siya tibuok adlaw nag inoma kay naay nag vigil nga silingan nga nagbuntag daw siya’g inom. Mga hapon nakit an nga nag kirig-kirig kay wala lang nila bale-baleha kay kasagara mag ulian ra man pod bisag walay kaon mag inom lang gihapon. Natingala sila nga wala na naglihok ilang gisampit murag wala na nagginhawa..”
Police Station 2 Cogon Investigator Police Staff Seargeant Genesis Babanto
SOURCE: #19
Photo: COCPO
