Usa sa suspek sa dugoong pagpamomba sa gymnasium sa MSU niadtong Dominggo, nadakpan na sa otoridad!
NADAKPAN sa kapulisan ang usa sa suspek sa dugoong pagpamomba sa gymnasium sa Mindanao State University kon MSU niadtong Dominggo!
Base sa report nga gikustudiya una sa Armed Forces of the Philippines kon AFP ang suspek.
Matud ni AFP Public Affairs Chief Col. Xerxes Trinidad nga na-identified ang suspek isip Jafar Gamo Sultan kinsang nasikop atol sa joint operations sa military Task Force Marawi ug Marawi City Police niadtong Desyembre 6 sa Barangay Dulay Proper, Marawi City.
Giklaro pa sa opisyal nga gituhuang kauban ang suspek sa giilang Omar kinsa nagbutang sa improvised explosive device sa MSU Dimaporo gymanisium.
Samtang, gipadayag ni Trinidad nga ang maong kalambu-an nagpamatuod lamang nga seryuso ang gobyerno sa pagpadakop sa mga responsable sa pagpamomba nga mikalas sa upat ka kinabuhi og mi-angol sa laing 45 ka indibidwal.
SOURCE: INQUIRER.NET
Photo: GMA Network
