Usa ka lalaki, patay human mi-ambak sa pang-pang tungod sa kahadlok atol sa drug buybust operation!
PATAY ang usa ka lalaki nga mi-ambak sa kapi’g 200 feet nga katas-on sa pang-pang!
Kini human nahadlok sa gipahigayong Drug buybust operation sa kapulisan sa Upper Barangay Puerto ning ciudad.
Ang biktimang patay nailang si Reymart Tolumia, 23-anyos, residente sa Mampayag Manolo Fortich Bukidnon.
Matud ni Police Station 6 Puerto OIC Commander Police Captain Lowell Estampa nga natulog ang biktima atol sa drug buybust operation sa lugar apan nakurat kini sa pagboto sa armas hinungdan nga midagan kini padulong sa pang-pang sa kahadlok.
Giklaro pa sa opisyal nga dili kini ang target sa maong operasyon.
“..during sa buy bust katong mga target nga drug personality nakadagan kini tulo nila nga target ang duha nakadagan ang usa maoy nadakpan. Kaning nakita nga patay dili ni siya target naa lang sa area where in according sa witness kaning nakadagan nga target napabuthan ang atong tropa so usa ka buto naka mata kaning nakita nato nga patay’ng lawas pagkadungog sa buto nataranta siya , nidagan siya didto siya napadulong sa pampang nahagbong siya didto..”
Police Station 6 Puerto Station OIC Commander Police Captain Lowell Estampa
SOURCE: SBPSH
Photo: SR Files
