Senator Imee Marcos, nagtuo nga posible’ng adunay nangandoy og taas nga posisyon hinungdan nga subling gibalik ang pagduso sa Cha-Cha!
POSIBLE’NG adunay nangandoy og mas taas nga posisyon sa gobyerno!
Kini ang tubag ni Senate Committee on Electoral Reform Board Chair Senator Imee Marcos sa pangutana nganong subling milutaw ang pagduso sa Cha-Cha taliwala nga ikaduhang higayon nang gibasura.
Matud ni Senator Marcos nga dili pa panahon aron hisgutan ang Cha-Cha tungod daghan’g problema sa nasud ang angay’ng tutukan.
“..dapat naka focus tayo sa hanap buhay ng tao kaya ibagsak ang presyo ng bigas at ibang bilihin at dalawang beses ibinasura ng todo todo ng senado ba’t pagpipilitan. Baka may gustong mag prime minister dahil di manalo sa presidente…”
Senate Committee on Electoral Reform Board Chair Senator Imee Marcos
Samtang, alang kang Senate Minority Leader Senator Aquilino “Koko” Pimentel nga bukas kini sa pagduso sa Cha-Cha aron repasohon ang konstitusyon.
Gidugang sa Senador nga mahimong basehan ang Cha-cha sa pagpili sa kandidato alang sa umaabot pili-ay sa 2025.
“…it is always a good time to review the constitution kung hindi natapos at least those running in 2025 pwedeng i demand ng botante yan. Yung to allow foreign business people to exploit our natural resources and to own land yan ang lalo natin dapat wag payagan..”
Senate Minority Leader Senator Aquilino “Koko” Pimentel
SOURCE: SMNI NEWS/UNTV
Photo:ABS-CBN News
