SEGURIDAD sa pantalan, gipahugtan sa PCG-Northern Mindanao human sa nahitabong bombing incident sa MSU Marawi City!
MAS gipahugtan karon sa Philippine Coast Guard kon PCG-Northern Mindanao ang pagbantay sa pantalan!
Human sa bombing incident sa MSU sa Marawi City ug sa sunod-sunod nga linog nga nabati-an sa rehiyon.
Matud ni Philippine Coast Guard Northern Mindanao Spokesperson Coast Guard Lt. Senior Grade Joel Gibusion nga nakig-koordinar kini sa mga counterparts partikular na sa kapulisan ug kasundalohan ug uban pang law enforcement agencies aron masiguro nga luwas ang mga sumasakay sa barko.
Nagpakatag usab ug mga bomb sniffing dog sa palibot sa pantalan aron mabantayan kung aduna’y ibiling bomba sa terminal ingon man sulod sa barko.
“..continuous japon ang heightened alert status namo sa coast guard manggikan sa nahitabo nga pagpamomba sa MSU considering also nga padayon ang linog karon bali naka standby among tropa, naka dispatch nasad og tropa sa station especially sa pantalan. Mga personnel nato mga naka standby nako para sa sakuna either baha, assistance nga kailangan sa ahensiya, naka standby atong K9..”
Philippine Coast Guard Northern Mindanao Spokesperson Coast Guard Lt. Senior Grade Joel Gibusion
SOURCE: SR LIVE
Photo: SR Files
