Pulis nga giingong gikan sa Christmas Party, patay human nadisgrasya sa gimanihong sakyanan sa Kolambogan Lanao del Norte.
PATAY ang usa ka sakop sa pulis human nadisgrasya sa gimanihong sakyanan sa Purok 7 Barangay Baybay Kolambogan Lanao del Norte kaganihang kadlawon!
Ang biktima miyembro sa 1st Police Mobile Force Company kon PMFC Lanao Del Norte Police Provincial Office ug residente sa nahisgutang Barangay.
Matud ni PRO-10 Spokesperson Police Major Joann Navarro nga padulong sa Iligan ang biktima apan tungod sa kurbada nga dalan nahulog ang sakyanan niini sa usa ka lawom nga kanal.
Gisulayan pa pagdala sa hospital ang biktima apan dead on arrival na kining gedeklarar sa attending physician.
Giklaro pa ni Major Navarro nga wala pa kini nadawat nga report nga gikan sa Christmas party ang wala unang panganli’ng pulis personnel.
“…aduna na pud usa ka membro sa PNP PRO10 nga nakabsan saiyang kinabuhi tungod sa vehicular accident nga na encounter niini kaganinang kadlawon ang maong biktima is a member sa 1st Police Mobile Force Company kon PMFC Lanao Del Norte Police Provincial Office, sa pakighinabi nato sa investigator sa maong vehicular accident, ang maong biktima sakay sa iyang sakyanan, padulong kini sa direction paingon sa Illigan naka agi siya sa usa ka sharp curve nga portion sa maong highway ug tungod sa ka kurbada niini nahulog ang iyang sakyanan sa usa ka dakong kanal ug didto nahitabo, dali-dali kini siyang gidala sa duol nga hospital upon declared dead on arrival gi declare sa iyang attending physician…”
PRO-10 Spokesperson Police Major Joann Navarro.
SOURCE: SBPSH
Photo Source: PRO10
