Pipila ka lugar sa Pilipinas, gipaubos sa Signal No. 1 tungod sa tropical depression Kabayan.

GIPAUBOS ang baynte-kwatro (24) ka probinsya sa habagatan’g-bahin sa Pilipinas sa Signal No. 1!
Tungod sa padayong pagduol sa tropical depressions “Kabayan” as of 5pm kagahapong adlawa.
Base sa advisory sa PAG-ASA nakita si “Kabayan” sa 385 ka kilometros sa sidlakan’g parti sa Davao City nga adunay kakusgon nga hangin, nga 55 kilometers per hour as of 4pm kagahapong adlawa.
Lakip sa mga lugar nga gipaubos sa Signal No. 1 ang Cebu, Siquijor, Davao del Norte, Davao City, Northern Cotabato, Northern Maguindanao del Norte, Lanao provinces, Misamis Occidental ug uban pa.
Gidugang sa state weather bureau nga ang mga lugar nga ubos sa signal no.1 gilaumang makasinati og kusog nga hangin hinungdan nga gidili ang pagbyahe sa kadagatan.
Gitakdang mo-agi ang tropical depression sa Northern Mindanao, Southern Visayas ug Central Palawan hangtod ugmang adlawa ug gilaumang mogawas sa Philippine Area of Responsibility Myerkules sa buntag.

SOURCE: ABS-CBN NEWS
Photo Source: RAPPLER