Patay’ng lawas sa hamtong nga napalgang-patay sulod sa panimalay sa Nazareth ning ciudad, buot ipa-otopsiya sa Pamilya.

BUOT sa pamilya sa babayeng hamtong nga napalgang patay sulod sa panimalay sa Upper 20th Nazareth ning ciudad nga ipa-ubos a otopsiya ang patay’ng lawas sa biktima!
Kini aron mahibaloan kung aduna’y foul play sa kamatayon sa biktimang si Evangeline Hagapi human nasuta nga aduna’y duha ka lalaki nga migawas gikan sa panimalay kaganihang buntag.
Matud ni Police Station 9 Nazareth Station Commander Police Captain Byron John Ratunil nga base imbestigasyon dili pa mapiho kung gipatay ang 64-anyos nga biktima tungod wala makita nga komosyon sulod sa panimalay sa biktima.
Padayon pang gisuta kung gikawatan una ang senior citizen una gipatay sa wala mailang mga responsible.
Sa karon padayong nakigkoordinar ang kapulisan sa silingan sa biktima nga aduna’y CCTV aron makit-an ang giingong duha ka lalaki nga migawas gikan sa panimalay sa biktima.

“…pag abot nato didto sa area wala tay nakita nga signs of struggle nga kagubot sa iyang kwarto but gusto sa pamilya nga ipa-otopsy kay para pud matambalan ilang panghuna-huna nga fould play, pag abot nato didto naay dungog-dungog sa mga silingan nga naa daw ni sulod pero dili gyud ingon nga confirm, wala pud CCTV nga duol didto aron ma confirm kung naa ba gyud o wala so for now ato lang i-consider nga dead body…”
Police Station 9 Nazareth Station Commander Police Captain Byron John Ratunil.

SOURCE: SR LIVE
Photo Source: SR LIVE