Paglugway sa ubos nga taripa sa karne’ng baboy, bugas ug mais dako og epekto sa lokal nga mga mag-uuma.

WALA miresulta ang paglugway sa pagkunhod sa taripa sa karne’ng baboy, bugas ug mais sa pag-ubos sa presyo sa nahisgutang mga palaliton !
Matud ni Federation of Free Farmers Chair Leonardo Montemayor nga ang paglugway sa pagkunhod sa mga taripa sa baboy, bugas ug mais miresulta sa sayop nga signal sa mga mag-uuma.
Gipamugos ni Montemayor nga dili makatabang sa local farmers ug food producers ang lakang tungod nakigsangka sila sa mas barato nga import.
Hinungdan nga wala na’y mag-uuma ang magtanom og bugas o mais.
Gidugang pa nga dili usab makapahimulos ang mga konsyumante gikan sa reduced tariffs tungod nagpabiling taas ang presyo sa pork ug bugas.
Dumduman nga gilugwayan sa gobyerno ang Executive Order No. 10, nga nagkunhod sa taripa sa import duties sa nahisgutang commodities isip kabahin sa lakang sa pagkontrolar sa inflation ug pagsiguro sa igong suplay.

SOURCE: ABS-CBN NEWS
Photo Source: ILOVEBUKIDNON