Pagkalehitimo sa na-angkon nga injury ni Philadelphia 76ers shooting guard Kelly Oubre Jr., human gi-hit-and-run, gikwestyon sa pipila!
GIKWESTYON sa pipila ang kabahin sa pagkalehitimo sa na-angkon nga injury ni Philadelphia 76ers shooting guard Kelly Oubre Jr., nga nabanggaan niadtong miaging bulan!
Matud ni Oubre nga nag-antos kini sa traumatic injury ug wala kini labot sa mikwestyon sa nahitabo.
Gidugang ni Oubre nga lisud alang kaniya ang pangitabo tungod wala kini makadula alang sa koponan.
Gitakdang mobalik si Oubre sa line up sa 76ers karung adlawa sa Washington.
Dumduman nga gi-hit-and-run ang basketbolista samtang naglakaw duol sa panimalay sa Philadelphia Center City niadtong November 11.
Gidala ang 27-anyos nga magdudula sa ospital ug gipagawas pipila ka oras ang milabay nga adunay broken rib ug injuries sa hip ug right leg.
Samtang, gibutyag sa Kapulisan nga wala pa kini video evidence nga nakuha hangtod karung panahona.
SOURCE: INQUIRER SPORTS
Photo: ABC News
