Mayor Uy nagtinguha nga makumpleto ang tanang laboratory ug pagtukod og kaugalingong blood bank sa JR. Borja General Hospital!
MISAAD si Mayor Rolando “Klarex” Uy nga paningkamotan nga makompleto ang tanang laboratory sa J.R Borja General Hospital!
Aron mas sayon ug dali na lamang alang sa katawhan ang magpa-check up.
Lakip sa paningkamotan sa Mayor nga mabutangan og biopsy sa JR. Borja General Hospital.
Matud ni Mayor Uy nga nagtinguha usab kini nga mabutangan og kaugalingong blood bank ang nasangpit nga ospital aron dili maglisud ang mga pasyente sa pagpangita og dugo.
“..duha na lang gyud ang kulang nga labing importante nga ekwipo ug kagamitan nga mag biopsy kung malignant o . Pinaka importante na nga ang atong pasyente dili na maghulat sa iyang biopsy diretso makita kung ipadayon ba ang maong operasyon kay gusto nako madali, dili malangan ang pasyente nga mugawas pa sila sa laing hospital kay mag biopsy. Gusto ko ang JRB aduna nay pondohanan sa dugo aron ang pasyente dili maglisod og pagpangita og dugo. Akong paningkamutan nga kompletuhon nako ang tanang laboratorya sa atong JRB hospital..”
Mayor Rolando “Klarex” Uy
SOURCE: CIO
Photo: SR Files
