Mayor Rolando “Klarex” Uy, hugtanong gimando ang “One Entrance Policy” sa tanang simbahan nunot sa nagsingabot nga Misa de Gallo!
HUGTANONG gimando ni Mayor Rolando “Klarex” Uy ang pagbaton og “One Entrance Policy” sa tanang simbahan sa ciudad nunot sa nagsingabot nga Misa de Gallo!
Human sa bombing incident sa gymnasium sa Mindanao State University kon MSU sa Marawi City.
Matud ni Mayor Uy nga kinahanglang sigurohon sa kapulisan ang mga mosulod og gawas sa simbahan aron mabantayan ang aduna’y kadudahang lihok.
Gipamugos pa niini nga kinahanglang pahugtan usab sa kapulisan ang pagbantay sa tanang dagsaan nga lugar sa ciudad aron luwas kini sa posibleng pagpangatake.
“..kagahapong adlawa gitawagan nako si Col Radam nga tanan nga simbahan kung mahimo ibalik nato ang one entrance policy. Taliabot ang pagsaulog sa Misa de Gallo, ang atong mga kasimbahanan puno gyud na sa katawhan busa nagawhag ko ug naghangyo ko kaninyo nga one entrance policy atong ibalik sa tanang simbahan..”
Mayor Rolando “Klarex” Uy
SOURCE: CIO
Photo:Cagayan de Oro City Information Office
