Manangat, napalgang nag-utaw utaw patay sa Manticao Misamis Oriental kaganihang buntag.
NAPALGANG nag-utaw utaw patay ang usa ka mananagat sa Punta Silom Manticao Misamis Oriental kaganihang buntag!
Ang 42-anyos nga biktima nailang si Alan Maghinay Daulom, residente sa Lugait Misamis Oriental.
Matud ni Manticao Municipal Police Station Police Staff Sergeant Jerriel Malyao nga napalgan sa laing mananagat ang biktima nga wala na’y kinabuhi samtang naglingkod sa bangka.
Gisulayan pa pagtawag si Daulom apan wala na kini mitingog hinungdan nga giduolan ug nasuta nga wala na kini kinabuhi.
Tungod niini daling giguyod ang bangka padulong sa baybay ug nagpakitabang sa kapulisan.
Samtang nagtuo ang kapulisan nga posibleng gi-atake sa kasing-kasing samtang nanagat ang biktima.
Hinuon gipa-abot na lamang ang desisyon sa pamilya kung ipa-ubos pa sa otopsiya ang patayng lawas.
“…patay na gyud na siya pag kuan namo didto sa area, naa ra siya sa iyang bangka, dayon ang nakakita taga Punta nga mananagat ra gihapon, kuan nalang na siya gi guyod nalang na siya sa naka kita nga mananagat kay dili naman mo tingog pangutan-on didto sa lawod, mao nga nag duda gyud tong taga Punta nga patay na gyud siya kay nag lingkod nalang man siya nga nag akbo, sa among pag storya sa doctor sa Manticao alledge heart attack gyud ni siya, dili man ma ingon nga nalumos kay naa raman siya sa iyang bangka…”
Manticao Municipal Police Station Police Staff Sergeant Jerriel Malyao.
SOURCE: PI.#7
Photo Source: Zirky Ukay-Ok
