Digital tax identification number, mahimo nang magamit sa mga tax payers sa pagbayad og buhis!

GIPADAYAG sa Bureau of Internal Revenue kon BIR nga mahimo nang magamit sa nagbayad og buhis ang digital tax identification number kon TIN ID!
Matud ni BIR Commissioner Romeo Lumagui Jr., nga mahimong mag-apply og digital TIN Id ang mga Pinoy nga aduna’y existing tax identification pinaagi sa Online Registration and Update System kon ORUS sa Bureau.
Mas mahatagan usab og kasayon ang mga taxpayers tungod dili na kini mo-linya sa mga Revenue District Offices.
Hisayran nga kinahanglan una’ng I-update sa mga user ang email address sa pagsumiter og Registration Update Sheet pinaagi sa email sa buhatan.
Samtang giila isip valid government-issued ID document ang Digital TIN ID diin mahimo kining dawaton sa nagkalain-laing ahensya sa gobyerno, local government units, bangko, employer ug uban pang institution.

SOURCE: RNT
Photo:Rappler