CLENRO, mi-abiso sa mga barangay official nga badlongon ang mga mamasurahay sa pagbungkag sa mga basura!

HAGIT sa City Local Environment and Natural Resources Office kon CLENRO ang mamasuraha’y nga bungkagon ang mga basura ug dili gilayon kabalo mobalik og plastar sa basura!
Hinungdan nga nanghinaot si CLENRO Head Engr. Armen Cuenca nga mobuhat ang matag Barangay og intervention aron dili mabuskag sa mga mamasuraha’y ang basura.
Matud ni Engr. Cuenca nga mahimong magbutang og barangay tanod sa designated areas nga gibutangan sa mga garbage.

“..usa sa challenge nato karon kay naay tig kuha og basura nga dili ayuhon, bungkagon mao nga dapat unta adunay participation ang barangay labi na sa pagbantay sa ilang mga barangay tanod sa mga lugar diin ilang gi designate nga tapokanan sa basura aron dili mabungkag…”
CLENRO Head Engr. Armen Cuenca

Hisayran nga sugdan sa buhatan ang dili pagkolekta sa mga basura sa Enero 1, kung dili ma-segregate.

SOURCE: SBPSH
Photo: MindaNews