30-million pesos nga gibana-banang kantidad sa smuggle nga luxury car, nakumpiskar sa Mindanao Container Port sa Tagoloan Misamis Oriental.
GIBANA-banang mikabat sa 30-million pesos ang kantidad sa smuggle nga luxury car nga nakumpiskar sa Mindanao Container Terminal sa Tagoloan Misamis Oriental!
Alayon sa gihimong operasyon sa Bureau of Customs kon BOC-10 niadtong Disyembre 15 ning tuiga sa nahisgutang lugar.
Matud ni Customs Intelligence and Investigation Service kon CIIS CDO ug Surigao Field Station Chief Oliver Valiente nga naggikan ang kontrabando sa South Korea nga naka-consigne sa M. Aguila Car Trading diin gideklar nga mga piyesa lamang sa sakyanan.
Apan duha ka unit nga Porsche nga sakyanan ang sulod sa container van.
Samtang nagpagawas gilayon og warrant of seizure ug detention batok sa shipment tungod sa pagsupak sa Section 1400 aduna’y kalambigitan sa Section 1113 sa RA 10863 o mas nailang Customs Modernization and Tariff Act.
SOURCE: #19
Photo Source: BUREAU OF CUSTOMS PH
