3.5 milyon ka trabaho, nahatag sa mga Pinoy ubos sa TUPAD program.

MIKABAT na sa 3.5 milyon ka trabaho ang nahatag sa mga Pinoy!
Kini ubos sa TUPAD o Tulong Pangkabuhayan sa Ating mga Disadvantage Workers Program karong tuiga!
Gibutyag ni Department of Labor and Employment kon DOLE Secretary Bienvenido Laguesma nga mas taas ang ihap itandi sa milabay’ng tuig.
Giklaro sa kalihim nga ang TUPAD Program, usa ka temporaryong trabaho nga gitanyag sa ahensya aron matabangan ang mga indibidwal nga wala’y eksaktong panginabuhi-an.
Gitin-aw pa sa opisyal nga naghimo na og estratihiya ang gobyerno aron makahatag og permanenting trabaho sa mga Pinoy alang sa sunod tuig.
Samtang lauman sa 2024 ang pagbukas sa daghang trabaho nga naggikan sa sektor sa Energy, information and technology, manufacturing, agriculture ug industrial sector.

Source: INQUIRER
Photo Source: DOLE