Vice Mayor Rodriguez, miklaro nga anaa lamang sa 7 percent ang gidugang sa 2024 nga budget sa LGU-Cagayan de Oro!
GIKLARO ni Vice Mayor Jocelyn “Bebot” Rodriguez nga anaa lamang sa 7 percent ang gidugang sa 2024 budget sa LGU-Cagayan de Oro!
Human sa gipahigayong 2024 Executive Budget Hearing kaganihang buntag diin na-aprubahan sa 20th City Council ang 11.2 Billion pesos nga pondo sa lokal nga pangagamhanan.
Matud ni Vice Mayor Rodriguez nga mi-abot lamang sa kapi’g 7-billion pesos ang pondo sa sunog tuig intandi sa tuig 2023 nga anaa sa kapi’g 6-billion pesos.
Giklaro sa opisyal nga midako lamang kini tungod sa kapi’g 2-billion pesos nga I-loan sa ciudad alang sa katukuran sa Cagayan de Oro Government Center.
“..atong gi increase gamay ra gyud mga 7 percent ba to o 8 percent nidako siya because of the loan. So makalihok na ang mga department heads on their programs. I hope they can readily implement na sa mga programa sa dakbayan sa Cagayan de Oro…”
Vice Mayor Jocelyn “Bebot” Rodriguez
SOURCE: SR LIVE#28
Photo: 90.3 Strong Radio Live
